Maraqlı

Pəncərə kənarına duz və dəfnə yarpağı qoyurlar – Mükəmməl üsul

19 Oktyabr 2025 18:39

Baxış: 5 375

VTB-də minimal faiz dərəcəsi ilə nağd kredit 9.9%-dən

#MARAQLI

Qış aylarında evlərdə ən çox şikayət edilən problemlərdən biri olan pəncərə kənarlarında yaranan kif və nəmişlik, bir çox insanı kimyəvi spreylərə yönəldir. Lakin duz və dəfnə yarpağı həm kifin qarşısını alır, həm də artıq nəmi özünə çəkərək problemi dayandırır.

Milli.Az xəbər verir ki, duz - Higroskopik xüsusiyyətə malikdir, yəni havadakı artıq nəmi süngər kimi çəkir. Kif göbələklərinin yaranması üçün lazım olan rütubət mühitini yox edir.

Dəfnə yarpağı - Təbii antimikrob təsirə malikdir. Kif sporlarının çoxalmasının qarşısını alır və eyni zamanda mühitə yüngül, xoş qoxu verir.

Kifə qarşı təbii qarışım necə hazırlanır?

Lazım olanlar:

Kiçik qab və ya şüşə bank (300-500 ml)

İri dənəli duz (dəniz duzu və ya qayalı duz)

3-5 ədəd quru dəfnə yarpağı

Hazırlanma və tətbiq:

Qabın 4/3 hissəsini iri dənəli duzla doldurun.

Duzun içinə 3-5 ədəd dəfnə yarpağı yerləşdirin.

Qarışımı pəncərə kənarına və ya rütubətin çox olduğu yerə qoyun.

Duzu mütəmadi olaraq yoxlayın. Islanma və ya topalanma gördükdə, artıq təsiri azalmış deməkdir - 1-2 həftədən bir dəyişdirilməlidir.

Bu üsul yeni yaranan və ya başlanğıc mərhələsində olan kif üçün daha effektlidir. Əgər kif artıq çox yayılıbsa, əvvəlcə sahəni antiseptik vasitə ilə yaxşıca təmizləmək lazımdır.

Kifin təkrarlanmaması üçün tövsiyələr:

Evi mütəmadi havalandırın

Nəmişlik mənbəyini (dam sızması, zəif izolyasiya, havalandırma problemi və s.) aradan qaldırın

Rütubət yüksək olan otaqlarda hava dövranını gücləndirin.

Lalə Qüdrətova
Milli.Az