Qərbi Kaspi Universitetində tədqiqatın beynəlmiləlləşməsinə həsr olunmuş beynəlxalq simpozium keçirildi - (Foto)

Qərbi Kaspi Universitetində tədqiqatın beynəlmiləlləşməsi müzakirə olunub

4 noyabr 2026-cı il tarixində Qərbi Kaspi Universitetində "Tədqiqatın beynəlmiləlləşməsi: Qlobal əməkdaşlıq, elmi görünürlük və təsir" (Internationalization of Research: Global Collaboration, Research Visibility and Impact) mövzusunda beynəlxalq simpozium keçirilib.

Milli.Az xəbər verir ki, tədbiri Qərbi Kaspi Universitetinin Qəyyumlar Şurasının sədri,professor Hüseyn Bağırov giriş sözü ilə açıb. Professor Hüseynqulu Bağırov çıxışında simpoziumun universitet və ölkə elmi üçün əhəmiyyətindən danışıb. O, beynəlxalq elmi əməkdaşlığın genişləndirilməsinin vacibliyini vurğulayıb.

Simpoziumun əsas məqsədi beynəlxalq elmi əməkdaşlığı genişləndirmək, universitetlərarası tərəfdaşlıqları inkişaf etdirmək, tədqiqat nəticələrinin beynəlxalq elmi müstəvidə görünürlüğünü artırmaq və birgə elmi layihələr üçün yeni imkanlar müəyyənləşdirmək olub. Müxtəlif ölkələrin ali təhsil və elmi-tədqiqat müəssisələrini təmsil edən alim və mütəxəssislərin qatıldığı tədbir beynəlxalq akademik əlaqələrin möhkəmləndirilməsi və elmi əməkdaşlığın yeni istiqamətlərinin müəyyənləşdirilməsi baxımından əhəmiyyətli olub.

Simpoziumda bu mövzular müzakirə olunub:

• elmi tədqiqat sahəsində beynəlxalq tərəfdaşlıqların inkişafı;
• beynəlxalq elmi nəşrlər;
• tədqiqat nəticələrinin qlobal miqyasda görünürlüğü və təsiri;
• elmi fəaliyyətdə rəqəmsal texnologiyaların və süni intellektin tətbiqi;
• beynəlxalq qrant proqramları və maliyyələşdirmə imkanları.

Tədbirdə ABŞ-ın Stenford Universiteti və dünyanın aparıcı elmi nəşriyyatlarından olan "Elsevier"in hazırladığı "Dünyanın ən nüfuzlu 2% alimi" siyahısına daxil edilən Qərbi Kaspi Universitetinin professorları Bassem Khan, Cem Işık, Muhammet Deceçi və Raşid İqbal da iştirak ediblər.

Onların iştirakı universitetin beynəlxalq elmi potensialını təqdim etmək, qabaqcıl tədqiqat təcrübəsini paylaşmaq və qlobal akademik əməkdaşlıq əlaqələrini genişləndirmək baxımından xüsusi əhəmiyyət daşıyıb.