Maraqlı

İmam Hüseynin Kərbəlada şəhid olmuş körpə oğlunun adı Əliəsğər olub ya Abdullah?

12 Sentyabr 2019 22:20

0 Şərh Baxış: 5 038

VTB-də minimal faiz dərəcəsi ilə nağd kredit 9.9%-dən

#DİN

İmam Hüseynin (ə) aşura günündə Kərbəla səhrasında şəhid olmuş körpə oğlunun adı barədə tarix kitablarında məlumatlar fərqlidir. Bəzi mənbələr onun adının Abdullah, bəziləri isə Əliəsğər olduğunu xəbər verir. Məlum olduğu kimi, İmam Hüseynin (ə) üç oğlunun adı Əli olmuş, yaşlarına uyğun olaraq, onlara Əliəkbər (böyük Əli, Kərbəlada şəhid olub), Əliovsət (ortancıl Əli, yəni İmam Zeynülabidin (ə)) və Əliəsğər (kiçik Əli) deyilmişdir. Körpənin yaşı barədə də mənbələrin məlumatı fərqlidir. Onun 6 aylıq, bundan daha kiçik və ya daha böyük olduğu yazılır.

Milli.Az islam.az-a istinadən bildirir ki, "rəzi", yəni südəmər ləqəbi ilə anılan bu körpə bir yaşından kiçik, qucaqda və südəmər həddə olmuşdur. Ad və yaş baxımından fərqlərə baxmayaraq, İmam Hüseynin (ə) körpə oğlunun Kərbəlada zalım bir şəxsin atdığı ox zərbəsi ilə şəhid olması qəti və dəqiq faktdir, bu barədə heç bir şübhə yoxdur. Əliəsğərin şəhadəti aşura gününün ən faciəli və təsirli səhnələrindən biridir. Bəzi mənbələrin verdiyi məlumata görə, Əliəsğər (və ya Abdullah) İmam Hüseynlə (ə) birlikdə, onun sinəsi üstə dəfn edilmişdir.

Milli.Az