Maraqlı

“Nas” surəsinin oxunuşu, kəlmə tərcüməsi və asanlaşdırılmış təfsiri

18 İyun 2019 23:25

1 Şərh Baxış: 28 995

VTB-də minimal faiz dərəcəsi ilə nağd kredit 9.9%-dən

#DİN

"Nas" surəsi Quranın 114-cü surəsidir.

Milli.Az muselman.az-a istinadən bildirir ki, Məkkədə nazil olmuşdur. Altı ayə, iyirmi kəlmə və səksən hərfdən ibarətdir.

بِسْمِ اللَّهِ الرَّحْمَٰنِ الرَّحِيمِ

Bİsmillə̃hir-rahmə̃nir-rahἶm.

Rəhman, Rəhim Allahın adı ilə!

قُلْ أَعُوذُ بِرَبِّ النَّاسِ

Qul ə`ũzu birabbin-nə̃s (1)

De: Sığınıram inansanların Rəbbinə;

مَلِكِ النَّاسِ

Məlikin-nə̃s (2)

İnsanların hökmdarına;

إِلَٰهِ النَّاسِ

İlə̃hin-nə̃s (3)

İnsanların məbuduna;
مِنْ شَرِّ الْوَسْوَاسِ الْخَنَّاسِ

Min şərril-vəsvə̃sil-xannə̃s (4)

Geri çəkilən vəsvəsə edənin şərrindən:

الَّذِي يُوَسْوِسُ فِي صُدُورِ النَّاسِ

Əl-ləzἶ yuvəsvisu fἶ sudũrin-nə̃s (5)

Hansı ki, insanların sinələrində vəsvəsə edir;

مِنَ الْجِنَّةِ وَالنَّاسِ

Minəl-cinnəti vən-nə̃s. (6)

Cinlərdən və insanlardan.

Asanlaşdırılmış təfsiri:

De - ey Peyğəmbər-: İnsanların Rəbbinə sığınır və ona pənah aparıram. Tək olan Allah vəsvəsə edənin şərrini rədd etməyə qadirdir.
İnsanların hökmdarına - onların işlərində bildiyi kimi hərəkət edən və onlardan ehtiyacsız olana sığınıram;
Özündən başqa həqiqi bir məbud olmayan - insanların Tanrısına sığınıram - qəflət anında vəsvəsə edən, habelə Allahı zikr edərkən yox olub itən Şeytanın əziyyət verməsindən.
O Şeytan ki, insanların kökslərinə şəkk və tərəddüd səpməklə onları vəsvəsə edir.
İstər cinlərdən olsun, istərsə də insanlardan.

Qeyd: Surənin oxunuşunda, yəni transkripsiyasında üzərində xətt çəkilmiş hərflər uzadılır.

Milli.Az