Maraqlı

Evində kənd yorğanı olanlar yaşadı: Sandıqları açmağın vaxtı gəldi

5 Fevral 2026 07:07

Baxış: 1 273

VTB-də minimal faiz dərəcəsi ilə nağd kredit 10.49%-dən

#MARAQLI

Mütəxəssislər bildirir ki, sintetik materiallardan hazırlanan müasir yorğanlar yuxu keyfiyyətini pozur. Əsl yun və pambıq yorğanlar isə təkcə istilik deyil, həm də şəfa mənbəyidir.

Milli.Az xəbər verir ki, yun yorğanların ən böyük özəlliyi "nəfəs almasıdır". Sintetik yorğanlar istiliyi içəridə həbs edərək tərləməyə səbəb olduğu halda, yun və pambıq yorğanlar bədən temperaturunu sabit saxlayır. Qışda isti, yayda isə sərin saxlayan bu təbii mexanizm yuxu zamanı bədənin həddindən artıq qızmasının qarşısını alır.

Gün ərzində telefon, kompüter və digər elektron cihazlardan aldığımız statik elektrik bədənimizdə stress yaradır. Təbii yun yorğanlar bədəndəki bu statik elektriki torpaqlayaraq neytrallaşdırır. Bu da səhər daha dincəlmiş və gümrah oyanmağınıza kömək edir.

Araşdırmalar göstərir ki, təbii yun yorğan altında yatan insanların ürək döyüntüləri daha stabil olur. Yunun tərkibindəki "lanolin" maddəsi və onun təbii toxuması sinir sisteminə sakitləşdirici təsir göstərir ki, bu da dərin yuxu (REM) mərhələsinə keçidi asanlaşdırır.

Sintetik materiallar rütubəti saxladığı üçün toz gənələrinin (miteların) çoxalması üçün şərait yaradır. Lakin yun təbii olaraq rütubəti dəf edir və quru qalır. Bu quru mühit isə həşəratların və bakteriyaların yaşamasına imkan vermədiyi üçün allergiyası olanlar üçün ən sağlam seçimdir.

Əgər yorğanlarınız çox köhnəlibsə və ya ağırlaşıbsa:

Yun və ya pambığı çıxarıb diddirərək havalandırmaq lazımdır.

Təbii yorğanları ildə bir neçə dəfə birbaşa günəş işığı altında saxlamaq mikrobların tamamilə məhv olmasını təmin edir.

Lalə Qüdrətova
Milli.Az