Maraqlı

5 min illik məzar tapılıb - Dəhşətli faktlar

28 Aprel 2025 17:24
Baxış: 1 533
VTB-də minimal faiz dərəcəsi ilə nağd kredit 9.9%-dən
#MARAQLI

Son zamanlarda Perunun sahillərində çox maraqlı bir arxeoloji tapıntı əldə edilib. Alimlər bu tapıntının qədim sivilizasiyaların qadınlarının da tarixdəki əhəmiyyətini daha yaxşı başa düşməyə kömək edəcəyini bildirirlər. Yalnız kişilərin deyil, qadınların da dövrlərini formalaşdırmaqda mühüm rol oynadığı sivilizasiyalarla bağlı yeni araşdırmalar gedir.

Milli.Az xəbər verir ki, Peru sahillərindəki 5 min illik qadın məzarı alimlər tərəfindən çox əhəmiyyətli bir arxeoloji tapıntı kimi qiymətləndirilir. Mütəxəssislərin fikrincə, qadın qədim Karal sivilizasiyasının ali təbəqəsinə mənsub olub və bu tapıntı həmin dövrdə qadınların da cəmiyyətdə yüksək mövqelərə sahib olduqlarını göstərir.

Perunun paytaxtı Lima şəhərindən təxminən 180 kilometr məsafədə yerləşən Karal şəhəri Cənubi Amerikanın ən qədim yaşayış məskəni olaraq tanınır. Tarixi araşdırmalara görə, Karal şəhəri, Misir, Çin və Şumer sivilizasiyaları ilə eyni dövrə təsadüf edən və çox önəmli mədəniyyətlərin təmsil olunduğu bir yerdir.

Arxeoloqlar məzarda tapılan qadının 20-35 yaşlarında vəfat etdiyini güman edirlər. 

Bundan əlavə, məzarın ətrafında səbətlər, gil qablar, balqabaq və tukan quşunun dimdiyi də aşkarlanıb. Bu tapıntılar həmin dövrdəki insanlar üçün gündəlik həyatın necə olduğu barədə vacib məlumatlar verir. Bu sivilizasiyanın qədim həyat tərzi və inancları tapılan əşyalar vasitəsilə daha yaxşı başa düşülə bilər.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.