Maraqlı

Qadınlar üçün siqareti atmaq niyə daha çətindir? - AÇIQLANDI

1 Aprel 2024 22:05
Baxış: 578
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fransız alimlərinin araşdırmalarına görə, qadınlar üçün siqareti atmaq daha çətindir. 

Milli.Az lent.az-a istinadən bildirir ki, Burqundiya Universitetinin mütəxəssisləri 2001-2018-ci illər ərzində pis vərdişdən qurtulmağa çalışan və kömək istəyən 37 mindən çox siqaret çəkənin məlumatlarını öyrəniblər. İştirakçılar arasında 43,5 faiz qadınlar olub.

Məlumatlar göstərib ki, kişilərin 60 faizi və qadınların 56 faizi nikotin asılılığından əziyyət çəkir. Eyni zamanda, kişilər gündə orta hesabla daha 27, qadınlar isə 23 dəfə siqaret çəkir.

Mütəxəssislər belə nəticəyə gəliblər ki, qadınlar daha az siqaret çəkir və nikotindən daha az asılı olur, lakin siqareti buraxmaqda daha çox çətinlik çəkirlər.

Alimlərin fikrincə, əsas səbəblər qadınlar arasında narahatlıq, depressiya, artıq çəki və ya piylənmənin çox olmasıdır. Kişilər, araşdırmanın nəticələrinə görə, bu cür problemlərlə daha az rastlaşırlar. Bundan əlavə, ekspertlər müəyyən ediblər ki, qadınlar üçün siqaret çox vaxt gündəlik fəaliyyətlər arasında möhlət rolunu oynayır.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.