Maraqlı

Kamil imanın nişanələri hansıdır?

19 İyun 2022 20:10
0 Şərh     Baxış: 658
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Həzrət Peyğəmbər (s) buyurur: "Üç sifət vardır ki, əgər hər kimdə olarsa, imanın kamil olmasının sifətlərindən olar:

1. O kəs ki, şad olar, şadlığı onu batilə tərəf çəkməz.

2. Qəzəblənən zaman qəzəbi onu haqdan çıxartmasın.

3. Nə zaman qüdrət əldə edər, onun olmayana əl uzatmaz".

Bəs həqiqi mömin kimdir? Məsumlarımızın (ə) buyuruşlarından bizə bəlli olur ki, həqiqi möminliyin təzahürü məhz ictimai münasibətlərdə təşəkkül tapır. Həzrət Peyğəmbər (s) buyurur: "Hər kim ehtiyacı olana maddi yardım edər və insanlarla insafla rəftar edər - bu cür insan həqiqi mömindir".

Bəli, mübarək dinimiz buyurur ki, insanlara fayda verməyə çalış. Bu yüksək missiyaya motivləndirən buyuruşda Həzrət Peyğəmbərdən (s) nəql edilir: "Xəlq (yaranmışlar) - Allahın çörəkyeyənləridirlər. Ona görə də Allah yanında ən sevimli insan o kəsdir ki, Allahın çörəkyeyənlərinə fayda verər və ailəsini sevindirər".

Bununla yanaşı, mübarək mətnlərdə yaxşı əməlin kamil olması çərtləri də çatdırılır. İmam Sadiq (ə) buyurur: "Yaxşı əməl kamil olmaz, məgər 3 şeylə:

1. Onu yerinə yetirmək üçün tələsmək.

2. Onu kiçik hesab etmək.

3. Onu gizli saxlamaq".

Bəs hansı xüsusiyyətlər möminə xas olmur? Mömində olmayan 6 sifət barədə İmam Sadiq (ə) buyurur: "6 (sifət) mömində olmaz: sərtlik, xeyirsizlik, həsəd, tərslik, yalan və (haqqa) təcavüz".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.