Maraqlı

NASA kosmosda film çəkilişləri barədə açıqlama verdi

22 Dekabr 2021 10:24
0 Şərh     Baxış: 1 315
VTB-də minimal faiz dərəcəsi ilə nağd kredit 10.49%-dən

ABŞ-ın Aeronavtika və Kosmik Tədqiqatlar Milli Agentliyi (NASA) hələ kosmosda film çəkmək niyyətində deyil. Bu barədə Beynəlxalq Kosmik Stansiyanın (BKS) ABŞ proqramının rəhbəri Coel Montalbano bildirib.

Milli.Az Oxu.az-a istinadən xəbər verir ki, "elə özəl şirkətlər var ki, onların kosmosda görmək istədikləri işlərlə bağlı fikirləri var. Onlar bunu NASA-ya təqdim edib koordinasiya etməyə borcludurlar", - deyə o, xəbərdarlıq edib.

"Hazırda film çəkilişi ilə bağlı raket buraxılışı nəzərdə tutulmayıb", - deyə ABŞ BKS proqramının rəhbəri əlavə edib.

Qeyd edək ki, 2020-ci ilin may ayında NASA-nın o vaxtkı direktoru Ceyms Bridenstayn Hollivud aktyoru Tom Kruzun iştirakı ilə Daq Layman tərəfindən tərəfindən çəkilən filmin bir hissəsinin BKS-də olacağını açıqlamışdı. Mətbuatda həmçinin filmin yaradılmasında amerikalı milyarder İlon Maskın "SpaceX" şirkətinin iştirak etdiyini bildirib. Kruz və Laymanın 2021-ci ilin payızında "Crew Dragon" ilə BKS-ə getməsi gözlənilirdi.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.