Hadisə

Müştəridən maska taxmağı tələb edən satıcı amansızcasına qətlə yetirildi

23 Noyabr 2021 11:34

0 Şərh Baxış: 1 310

VTB-də minimal faiz dərəcəsi ilə nağd kredit 9.9%-dən

#HADİSƏ

Tayvanda mağazaya daxil olan müştəri ondan maska taxmağı tələb edən satıcını qətlə yetirib.

İstintaqın yaydığı ilkin məlumata əsasən, Tszyan adlı 41 yaşlı kişi Taoyuan şəhərində 24 saat açıq olan supermarketə maskasız daxil olub.

Milli.Az Oxu.az-a istinadən xəbər verir ki, satıcı ona maska taxmaq barədə xəbərdarlıq edib.

Müştəri bu xəbərdarlıqdan sonra mağazanı tərk etsə də, qısa müddət sonra maska taxaraq geri qayıdıb.

Əsəbi müştəri satıcı ilə söz davasına çıxıb və geyindiyi maskanı çıxararaq satıcının üzərinə atıb.

Lakin bununla da əsəbi soyumayan kişi bir saatdan sonra yenidən, amma bu dəfə bıçaqla supermarketə qayıdaraq ona irad bildirən şəxsə bıçaqla hücum edib.

Bıçaq xəsarətləri alan zərərçəkən ağır vəziyyətdə xəstəxanaya çatdırılıb.

Həkimlərin bütün səylərinə baxmayaraq onun həyatını xilas etmək mümkün olmayıb.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ