Hadisə

30 il əvvəl itkin düşmüş kişi evə qayıtdı və... - VİDEO

24 Sentyabr 2021 15:40
1 Şərh     Baxış: 4 608

Rumıniyanın Bacau şəhərinin sakini, 30 il əvvəl yoxa çıxmış Vasile Qorqos, itkin düşərkən əynində olan paltarda evinə qayıdıb.

Milli.Az Xəzər TV-yə istinadən bildirir ki, bu barədə ölkədə fəaliyyət göstrən Adevarul qəzeti məlumat yayıb.

Mal-qara taciri olan Qorqoş 1991-ci ildə bir gün evdən çıxır və geri qayıtmır. Uzun axtarışlardan sonra ölü elan edilir. Yaxınları hər il onun üçün anım mərasimi də keçirirlər. Lakin...

2021-ci il avqustun sonunda Qorqoşun ailəsinin yaşadığı fermer evinin yanında qəfildən bir maşın dayanır və itkin fermer maşındandüşür. Baş verənləri seyr edən qonşular otuz il əvvəl, 63 yaşında ikən yoxa çıxmış Qorqoşu gördükdə heyrətə gəlir: budur, onun artıq 93 yaşı var!

Əvvəlcə ailəsi pis bir zarafat olaraq baş verənlərə inana bilmədi, amma Vasile yoxa çıxmazdan əvvəl sonuncu dəfə geyindiyi paltar əynində idi! Kifayət qədər yaxşı fiziki formada olsa da qocalıq demansından əziyyət çəkirdi və son otuz il ərzində nə baş verdiyini xatırlamırdı. Yalnız bu müddət ərzində "evdə" olduğunu cavablandırırdı. Sənədləri cibində idi; hətta 1991-ci il tarixli Ploesti şəhərinə gedən qatar bileti də üstündən tapıldı!

Ailə ehtimal edir ki, kimsə qocanı bu vəziyyətdə görərək, kömək etmək məqsədilə pasportunda göstərilən ünvana gətirib.

Milli.Az

Şərh yaz:

1 Şərh:

  • Anonim
    !!! · 24 Sentyabr 15:5610

    Çox maraqlıdır həqiqətən.30 il ərzində bu insan harda olub,necə yaşayib?Ola bilər ki,onu gətirən maşının sahibi saxlayib qocanı.Məntiqə əsasən belə demək olar.Lap mö'cüzədir.Allah saxlayana qurd-quş dəyməz deyiblər.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.