Hadisə

“Evi özüm yandırdım ki, arvadıma, oğluma qalmasın” - yenilənib - FOTO

9 May 2025 23:53

Baxış: 752

VTB-də minimal faiz dərəcəsi ilə nağd kredit 10.49%-dən

#YANĞIN

23:53

Sumqayıtda 52-ci məhəllədə fərdi yaşayış evində yanğın baş verib.

Milli.Az xəbər verir ki, yanğın nəticəsində altıotaqlı evin 1-ci mərtəbəsində 4 ədəd soyuducu, ümumi sahəsi 15 kv.m olan köməkçi tikilinin yanar konstruksiyaları və taxta materiallar yanıb.

Ev sahibi Zakir Qasımovun sözlərinə görə, evi özü yandırıb: "İstəmirəm ki, ev arvadıma, oğluma qalsın. 10 ildir ki, aramızda söz-söhbət var". (baku.tv)

---------
22:05

Sumqayıt şəhərinin Qurd dərəsi adlanan yaşayış massivində yerləşən fərdi yaşayış evlərindən birində yanğın baş verib.

Milli.Az-ın məlumatına görə, Fövqəladə Hallar Nazirliyinin Dövlət Yanğından Mühafizə Xidmətinin əməkdaşları hadisə yerinə cəlb olunaraq yanğını qısa müddətdə söndürüblər və alovun yaxınlıqdakı tikililərə keçməsinə imkan verilməyib.

İlkin məlumatlara görə, hadisə nəticəsində xəsarət alan olmasa da, evə ciddi maddi ziyan dəyib.

İddialara əsasən, yanğını ev sahibi qəsdən törədib. Faktla bağlı araşdırma aparılır.

---------
20:55

Sumqayıt şəhərində fərdi yaşayış evində güclü yanğın başlayıb.

"Report"un yerli bürosunun məlumatına görə, hadisə şəhərin Qurd dərəsi adlanan yaşayış massivində qeydə alınıb.

Belə ki, evin zirzəmisi və həyətyanı sahəsində yerləşən yarımçıq tikilidə yanğın başlayıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları, canlı qüvvəsi və texnikası cəlb olunub.

Hazırda yanğının söndürülməsi istiqamətində tədbirlər görülür.

Milli.Az