Hadisə

Azərbaycanda nişanlı qız zəhərlənib öldü

18 Yanvar 2022 16:22
1 Şərh     Baxış: 1 871

Göyçay rayonunda zəhərlənən məktəbli ölüb.

Milli.Az APA-ya istinadən bildirir ki, hadisə rayonun Şıxəmir kəndində qeydə alınıb. Kənd sakini, 2005-ci il təvəllüdlü İsmayılova Aysun Habil qızı yaşadığı evdə zəhərlənib. Onun maye qazın otağa dolması nəticəsində zəhərləndiyi ehtimal olunur. Hadisə zamanı ailə üzvləri evdə olmayıb. Atası Habil İsmayılov evə qayıdarkən qızın halının pis olduğunu görüb, onu dərhal Göyçay rayon Mərkəzi Xəstəxanasına aparıb. Vəziyyəti ağırlaşan Aysun İsmayılova müalicə üçün təcili olaraq Bakıdakı Respublika Toksikoloji Mərkəzinə çatdırılıb. Həkimlərin səyinə baxmayaraq Aysun İsmayılova dünyasını dəyişib.

Qeyd edək ki, Məlikkənd kənd tam orta məktəbinin 11-ci sinif şagirdi olan Aysun İsmayılova əmisi oğlu ilə nişanlı olub. Aysunun evdə maye qazdan və ya hansısa başqa səbəbdən zəhərlənməsi barədə hələ ki, dəqiq məlumat yoxdur. Onun meyiti müayinə üçün Respublika Məhkəmə Tibbi Ekspertiza və Patoloji Anatomiya Birliyinin Göyçay rayon Şöbəsinə aparılıb, nümunələr götürülüb. Ölümün dəqiq səbəbi ekspertizanın rəyindən sonra bilinəcək.

Faktla bağlı Göyçay rayon Prokurorluğu tərəfindən araşdırma aparılır.

Milli.Az

40 000 AZN-dək krediti ONLAYN sifariş et!

Şərh yaz:

1 Şərh:

  • Anonim
    ƏcNəbi-yadPlanetli · 18 Yanvar 17:0400

    Bakıda Məhkəmə Tibbi Ekspertzası yoxmu? Hansı dövrəcən cansızla da olsa uyğun sükunətli (münasib-mülayım) rəftar qaydası tapmayacağıq? Ermənistanda Deport Zoru qurbanlarının, Qarabağın Hərbi işğalına vətəndaş müqaviməti şəhidlərinin ruhları 30 ildir sağ qalanlardan BƏRAƏT haqqı, ədalətli mühakimə gözləyirlər?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics