Texnologiya

"iPhone" istifadəçiləri üçün vacib XƏBƏRDARLIQ: Bu əlamətlər varsa...

6 Aprel 2026 19:42

Baxış: 1 821

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #İPHONE #MOBİL TELEFON

Əgər "iPhone"un izlənildiyindən şübhələnirsinizsə, cihazı vaxt itirmədən yoxlamaq vacibdir.

Milli.Az xəbər verir ki, "iPhone"un izlənildiyini necə bilə bilərik?

Qeyri-adi batareya tükənməsi, mobil internet istifadəsinin qəfil artması və tanımadığınız mesajlar əsas şübhə doğuran əlamətlərdir.

Mütəxəssislər bildirir ki, casus proqramlar arxa planda işlədiyi üçün batareyanın daha tez boşalmasına və internet trafikinin artmasına səbəb olur. Bu səbəbdən "Parametrlər" bölməsində məlumat istifadəsini yoxlayaraq ən çox trafik sərf edən tətbiqləri nəzərdən keçirmək tövsiyə olunur. Əgər siyahıda tanımadığınız proqramlar varsa, onları silmək lazımdır.

Bundan əlavə, saxta mesajlar vasitəsilə şəxsi məlumatlarınızı ələ keçirmək cəhdləri də geniş yayılıb. Belə hallarda linklərə daxil olmamaq və heç bir şəxsi məlumat paylaşmamaq vacibdir.

Təhlükəsizliyinizi artırmaq üçün iki faktorlu autentifikasiyanı aktivləşdirin, şübhəli tətbiqləri silin və bütün parollarınızı yeniləyin. Vaxtında görülən tədbirlər şəxsi məlumatlarınızı qorumağa kömək edir.

Fidan
Milli.Az