Texnologiya

Onunla tanış olan yoxdur deyə çəkiclə qızlara hücum etdi

12 İyul 2025 20:45

Baxış: 616

VTB-də yüksək depozit faizleri daha çox qazandırır

#MƏHKƏMƏ #SOSİAL ŞƏBƏKƏLƏR #FRANSA

16 yaşlı oğlanın məktəbli qızlara hücumunun səbəbi məlum olub.

Milli.Az xəbər verir ki, Moskva vilayətinin Domodedovo şəhərində məktəbli qızlara hücum edən 16 yaşlı yeniyetmə hərəkətini qadınlara qarşı nifrət hissi ilə izah edib.

Bildirilir ki, ailə üzvləri çimməyə gedərkən o, cinayəti planlaşdırıb. Hücumdan sonra o, otağında özünə qəsd etməyə cəhd edib. Tibbi yardım alıb, lakin xəstəxanaya yerləşdirilməsinə ehtiyac olmayıb.

Yeniyetmənin vida məktubunda özünü incel (seksual partnyor tapa bilməyən insanların birliyi) hərəkatının üzvü hesab etdiyi qeyd olunub.

İlkin məlumatlara görə, o, psixonevroloji dispanserdə qeydiyyatda olmayıb. Lakin ötən il əvvəllər mübahisəli olduğu bir yeniyetməni döyməyə çalışdığı məlum olub. Onu tanıyanlar qeyd ediblər ki, ümumiyyətlə, əsəbi və aqressiv idi. Bəziləri bunu onun sağlamlığında yaranan problemlə izah edirlər. Bildirilir ki, səhhəti səbəbindən üzgüçülüklə məşğul olmağı dayandırmalı olub və bu da onun psixoloji durumuna təsir edib.

Hadisə Domodedovodakı "Peleng" bağçılıq sahəsində baş verib. Hadisə zamanı 13 və 16 yaşlı məktəbli qızlar meşədə velosiped sürürmüş. Yeniyetmə onların üzərinə çəkiclə hücum edib. Qızlardan biri qaçmağı bacarıb, digəri isə huşsuz vəziyyətdə meşədə tapılıb. Hər iki məktəbli reanimasiya şöbəsinə yerləşdirilib.

Yeniyetmə barəsində "qəsdən adam öldürməyə cəhd" maddəsi ilə cinayət işi başlanıb.

Milli.Az