Texnologiya

Votsapda inqilabi yenilik - FOTO

18 Aprel 2025 20:34

Baxış: 980

VTB-də minimal faiz dərəcəsi ilə nağd kredit 10.49%-dən

#MOBİL TELEFON #WHATSAPP

Votsap "Android" sistemində Beta versiyasının istifadəçiləri üçün əlçatan olan mesajların tərcüməsi funksiyasını işə salıb.

Milli.Az qafqazinfo-ya istinadən xəbər verir ki, bu barədə "WABetaInfo" portalı məlumat yayıb.

Belə ki, proqramın 2.25.12.25 versiyasını quraşdıran votsap testçiləri mesajları tərcümə etmək üçün dil paketlərini endirə biliblər.

Dəstəklənən dillərə rus, ispan, ərəb, portuqal və hind dilləri daxildir. Bundan əlavə, istifadəçilərin avtomatik dilin aşkarlanması üçün xüsusi dil paketinə giriş imkanı var ki, bu da bir neçə dilin eyni vaxtda mövcud ola biləcəyi qrup söhbətlərində xüsusilə faydalıdır.

Qeyd olunur ki, bütün əməliyyatlar cihazda lokal olaraq həyata keçirilir - məlumatlar üçüncü tərəf serverlərinə və ya Meta şirkətlərinə ötürülmür.

Tərcümə funksiyası şəxsi söhbətlərdə, qruplarda və kanallarda mövcuddur. Bununla belə, bu funksiya standart olaraq qeyri-aktivdir. Yaxın gələcəkdə dəstəklənən dillərin siyahısı genişləndiriləcək və əlavə dil paketləri təqdim ediləcək. Funksiyanın messencerin stabil quruluşlarında nə vaxt işləyəcəyi açıqlanmır.

Milli.Az