Texnologiya

"Google" "YouTube"la bağlı bu məlumatları bizdən gizlədir

16 Fevral 2025 17:35
Baxış: 1 729
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #İNTERNET #GOOGLE #YOUTUBE

Fevralın 14-də "YouTube"un fəaliyyətə başlamasının 20 ili tamam oldu. Platforma haqqında müxtəlif araşdırmalar aparılsa da, onun əsas göstəriciləri (ümumi baxış müddəti, video sayı və digər statistikalar) "Google" tərəfindən gizli saxlanılır.

Bu barədə "BBC" xəbər verir.

Araşdırmalara görə, "YouTube"un aylıq aktiv istifadəçi sayı 2,5 milyard nəfərdir. Orta hesabla bir istifadəçi ayda 29 saat video izləyir. Bu, dünya üzrə hər ay 8,3 milyon il videoya baxıldığını göstərir.

Massaçusets Universitetinin tədqiqatçıları platformadakı videoların sayını öyrənmək üçün xüsusi proqram hazırlayıblar. Onların hesablamalarına görə, 2022-ci ildə "YouTube"da 9 milyarddan çox video olub. 2024-cü ildə bu rəqəm 14,8 milyarda çatıb.

Araşdırmalar göstərir ki, "YouTube"a yerləşdirilən videoların çoxu peşəkar kontent deyil. Videoların cəmi 0,21%-i gəlir gətirmək məqsədilə paylaşılıb. 4%-dən azında izləyicilərə abunə olmaqla bağlı çağırış edilib. Videoların ortalama uzunluğu 64 saniyədir. 4% video isə ümumiyyətlə izlənilməyib.

Ekspertlər hesab edirlər ki, "YouTube" sadəcə bir platforma deyil, qlobal informasiya ekosisteminin vacib hissəsidir və onun fəaliyyəti ilə bağlı məlumatlar daha əlçatan olmalıdır. Bununla belə, "Google" platformanın əsas göstəriciləri barədə məlumat verməkdən imtina edir.  / Teleqraf

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.