Texnologiya

Ağıllı üzük təqdim olunacaq

19 Oktyabr 2022 14:52
Baxış: 1 294
VTB-də minimal faiz dərəcəsi ilə nağd kredit 10.49%-dən

"Samsung" saatlara, elektron bilərziklərə və digər oxşar qadcetlərə daha rahat alternativ ola biləcək ağıllı üzük hazırlamağa başlayıb.

Milli.Az oxu.az-a istinadən xəbər verir ki, hazırda şirkət yeni qurğunun komponentləri və modullarının tədarükçüsü ola biləcək bir sıra tərəfdaşları ilə işləyir.

Keçən il koreyalılar ABŞ Patent və Əmtəə Nişanları İdarəsinə istifadəçiyə öz sağlamlığına nəzarət etməyə, eləcə də digər elektron cihazlarla qarşılıqlı əlaqə yaratmağa imkan verəcək oxşar məhsul üçün ərizə təqdim ediblər.

"Samsung"un ağıllı üzüyü ürək döyüntüsünün optik sensoru, elektrokardioqraf, həmçinin orqanizmin işinə və vəziyyətinə nəzarət edən bir sıra digər sistemlərlə təchiz olunacaq.

Bundan əlavə, üzükdən istifadə edərək smartfon, planşet və ya televizoru uzaqdan idarə etmək mümkün olacaq. Yeni cihazın buraxılış vaxtı hələlik məlum deyil.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.