Sağlamlıq

Virusoloq diqqət yetirilməli olduğumuz beş əsas koronavirus simptomunu açıqladı

2 Noyabr 2020 22:22

Baxış: 1 485

#MARAQLI #SAĞLAMLIQ #KORONAVİRUS

Elm adamları demək olar ki, hər həftə koronavirus infeksiyasının müxtəlif simptomlarını kəşf edir. Ancaq bunlardan yalnız bir neçəsinə xüsusi diqqət yetirilməlidir.

Milli.Az xəbər verir ki, tibb elmləri doktoru və Rusiya Federasiyasının əməkdar elm xadimi Anatoli Altşteyn xüsusilə qızdırma, öskürək, boğaz ağrısı, qoxu və dad duyğusunun itməsinə diqqət yetirməyi tövsiyə edib.

"Özünüzdə 16 simptom axtarmağa qətiyyən ehtiyac yoxdur. Qızdırma, öskürək, qoxu və dad duyğusunun pozulması, ümumi yorğunluq, halsızlıq və boğaz ağrısının olması kifayətdir. Buna nəzarət edilməlidir. Qalan simptomları həkimlərin öhdəsinə buraxın" , - həkim qeyd edib.

Altşteynin sözlərinə görə, COVID-19 bədənin tamamilə fərqli toxumalarına təsir göstərir, bu səbəbdən xəstəliyin simptomları çox müxtəlif ola bilər. Bununla birlikdə virusoloq ikincil simptomlara diqqət yetirməyi məsləhət görmür, çünki yalnız beş əsas əlamət bədəndə bir infeksiyanın olması barədə məlumat verə bilər.

Qeyd edək ki, iybilmə duyğusunun itməsi heç də həmişə koronavirusa yoluxduğunuzu göstərmir. Nevroloq Vera Pşeniçnikovanın sözlərinə görə, bu simptom digər ciddi xəstəliklərin də xəbərçisi ola bilər. (publika.az)

Milli.Az