Sağlamlıq

Böyrək daşlarının yaranmasına səbəb olan qidalar açıqlandı

29 Noyabr 2025 04:04

Baxış: 25 569

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Böyrək daşlarının təxminən 60-80 faizi kalsium oksalatlarından ibarətdir. Bu daşlar möhkəm, həllolunmaz və parçalanması çətin olur.

Milli.Az xəbər verir ki, qarabaşaq, pomidor, qara çay, çuğundur və digər oksalatla zəngin qidaların istehlakı böyrək daşlarının yaranma riskini artırır.

Oksalatlar şirə turşusunun kalsium duzlarıdır. Onların 30 faizi qida ilə orqanizmə daxil olur, 70 faizi isə C vitamini metabolizminin nəticəsində bədəndə əmələ gəlir. Oksalatlar parçalanmır, həll olunmur və sidiklə xaric olunur. Sidikdə kalsiumla birləşərək kristallaşır və daşların yaranmasına səbəb olur.

Oksalatların sidikdə yüksək səviyyəsi böyrək daşlarının əsas səbəblərindən biridir. Bunun iki əsas səbəbi var: qida yolu ilə yüksək oksalat qəbulu və bağırsaqda oksalatın həddindən artıq sorulması. Kalsium bu sorulmanı azaldaraq oksalatla birləşir və orqanizmdən nəcis vasitəsilə çıxır. Buna görə də, oksalat problemi olanlarda süd məhsullarının yetərli miqdarda istehlakı tövsiyə olunur.

Orta hesabla insan gündə 300-1000 mg oksalat qəbul edir. Müalicənin əsas məqsədi bu göstəricini gündə 50 mg-a endirməkdir. Oksalatla zəngin qidalar arasında kakao, şokolad, qara çay, badımcan, çuğundur, yerkökü, cəfəri, rebarbara, yaşıl bibər, ispanaq, şüyüd, kərəviz, pomidor, ərik, moruq, keşyu, badam, qoz, fındıq və qarabaşaq var.

Sidikdə oksalat səviyyəsi yüksək olan şəxslər bu qidaların qəbulu, C vitamini, duz və heyvan zülalını azaltmalı, süd məhsulları və lifli qidaların miqdarını artırmalıdır.

İsmayıl
Milli.Az