Siyasət

Paşinyan: Ermənistan və Azərbaycan arasında real sülh var

3 Noyabr 2026 19:09

Baxış: 516

#NİKOL PAŞİNYAN

"Ermənistan Azərbaycanla sülhü bərqərar edib. Bu, ötən ilin avqustun 8-də Vaşinqtonda, Ağ Evdə, ABŞ Prezidenti Donald Trampın dəstəyi və təşəbbüsü ilə baş tutub".

Milli.Az APA-ya istinadən bildirir ki, bunu Ermənistanın Baş naziri Nikol Paşinyan "Euronews"un Brüsseldə təşkil etdiyi "Avropanın gələcəyi" sammitində çıxışında deyib.

Onun sözlərinə görə, Ermənistan və Azərbaycan arasında real sülh mövcuddur.

"İndi biz sülh müqaviləsini imzalamalı və onu ratifikasiya etməliyik", - deyə Nikol Paşinyan əlavə edib.

Baş nazir qeyd edib ki, Ermənistan hazırda Azərbaycanla münasibətlər qurur:

"Bizim Gürcüstanla ənənəvi yaxşı əməkdaşlığımız və yaxın müasibətlərimiz var. Hazırda biz Azərbaycanla münasibətlər yaradırıq. Bizim aramızda ikitərəfli ticarət var və regional infrastruktur əlaqələrini işə salacaq üçtərəfli bir layihəni həyata keçirməyə hazırlaşırıq. Bütün bu proseslər Cənubi Qafqaza tamamilə yeni qlobal rol qazandıracaq".

Müəllif: Ülkər Vəliyeva (Milli.Az redaktor)