Sağlamlıq

İmmunoloq koronavirusa qarşı peyvəndlərin TƏHLÜKƏLİ SİMPTOMLARINI açıqladı

1 İyul 2020 22:49
Baxış: 1 758
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tibb elmləri doktoru, professor, Elmi-Tədqiqat İnstitutunun vaksin profilaktikası laboratoriyasının rəhbəri Mixail Kostinov koronavirus peyvəndi sınaqlarında iştirak edən könüllülərdə özünü büruzə verən simptomlardan danışıb.

Milli.Az xəbər verir ki, temperaturun 37,5-ə qalxması dərmana yüngül reaksiya hesab olunur və əgər temperatur 38,6 dərəcədən yuxarı qalxırsa, bu artıq peyvəndə qarşı güclü reaksiya sayılır. Professor qeyd edib ki, istənilən dərmana qarşı güclü reaksiyalar minimal olmalıdır.

Bundan əlavə, immunoloq inyeksiya yerində möhürlə qızartı ola biləcəyini söyləyib, ancaq onun diametri səkkiz santimetrdən çox olmamalıdır, diametri beş ilə altı santimetrə qədər olan qızartı isə orta reaksiyadır. Temperatur və ya qızartı iki gündən çox davam edirsə, onda bu artıq təhlükəli simptom sayılır.

Xatırladaq ki, Rusiyada koronavirusa qarşı vaksinin klinik sınaqları artıq başlayıb, iyunun 18-də birinci qrup könüllü, ikinci qrupsa beş gün sonra peyvənd edilib. Müdafiə Nazirliyi serum tətbiq edildikdən sonra insanların özünü necə hiss etdikləri barədə açıqlama yayıb. Onların heç birində fəsadlar və ya mənfi reaksiyaların olmadığı bildirilib.

Qamalei Mərkəzi tərəfindən hazırlanan dərmanın avqust ayında qeydiyyata alınacağı və sentyabrda onun sənaye istehsalını qurmağı planlaşdırdıqları qeyd edilib. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.