Mətbəxdən gələn gözəllik: Maya maskası ilə dərini yeniləməyin sirri

Son illərdə bahalı kosmetik prosedurlara alternativ axtaranların diqqət mərkəzində olan bir vasitə var: Maya. Bir çox insanın sadəcə xəmir işlərində istifadə etdiyi bu canlı göbələk növü, əslində dəri üçün əvəzedilməz bir protein və vitamin mənbəyidir. Dermatoloqlar bildirirlər ki, mayanın tərkibindəki yüksək B qrupu vitaminləri, minerallar və amin turşuları dərinin özünü bərpa etmə sürətini artırır.

Milli.Az türk mediasına istinadən xəbər verir ki, mütəxəssislərin rəsmi açıqlamasına görə, maya maskasının müntəzəm tətbiqi dəridə aşağıdakı möcüzəvi dəyişikliklərə səbəb olur:

​1. Təbii "Botoks" təsiri:

Maya dərinin elastikliyini təmin edən kollagen istehsalını stimullaşdırır. Bu, incə qırışların açılmasına və dərinin daha gərgin görünməsinə kömək edir. Xüsusilə 30 yaşdan yuxarı şəxslər üçün maya maskası mükəmməl bir qocalma əleyhinə (anti-aging) vasitədir.

​2. Akne və sızanaqlarla mübarizə:

Yağlı və sızanağa meyilli dərilər üçün maya maskası xilasedici rolunu oynayır. Mayanın tərkibindəki maddələr dərinin yağ balansını tənzimləyir və məsamələri dərindən təmizləyərək yeni iltihabların yaranmasının qarşısını alır.

​3. Ləkələrin rəngini açır:

Maya maskası dərinin tonunu bərabərləşdirir. Günəş ləkələri və ya sızanaqdan sonra qalan izlərin rənginin zamanla solmasına kömək edir, dərini daha parlaq və canlı göstərir.

​4. Dərini toksinlərdən təmizləyir:

Güclü antioksidant xüsusiyyəti sayəsində maya dərini ətraf mühitin çirkləndirici təsirlərindən arındırır və hüceyrə səviyyəsində yenilənmə təmin edir.

​Dermatoloqların tövsiyə etdiyi ən sadə və təsirli üsul budur:

​Tərkibi: 1 xörək qaşığı yaş və ya quru maya, 2 xörək qaşığı ilıq süd (quru dərilər üçün) və ya ilıq su (yağlı dərilər üçün).

​Hazırlanması: Maya və mayeni krem halına gələnə qədər qarışdırın.

​Tətbiqi: Təmizlənmiş üz dərisinə (göz ətrafı xaric) çəkin və 15-20 dəfə dəqiqə, maska quruyana qədər gözləyin.

​Təmizləmə: Əvvəlcə ilıq, sonra isə məsamələrin daralması üçün soyuq su ilə yuyun.

Hər hansı bir maskanı tətbiq etməzdən əvvəl allergik reaksiya riskini nəzərə almaq lazımdır. Mayaya qarşı allergiyanızın olub-olmadığını yoxlamaq üçün hazırladığınız qarışığı əvvəlcə biləyinizin daxili hissəsinə çəkib 10 dəqiqə gözləyin. Əgər qızartı və ya qaşıntı yoxdursa, üzünüzə tətbiq edə bilərsiniz.

Ən yaxşı nəticə üçün bu maskanı həftədə bir dəfədən artıq etmək tövsiyə olunmur. Təbiətin bu sadə hədiyyəsi ilə düzgün qulluq edildikdə, dəriniz illərin yorğunluğunu üzərinizdən atacaq./Tibbx.az

Milli.Az