Cəmiyyət

Başqasının borcuna görə sizə zəng edilməyi qanunidirmi?

15 May 2026 13:26
Baxış: 1 163
VTB-də minimal faiz dərəcəsi ilə nağd kredit 9.9%-dən

Son zamanlar Bank Olmayan Kredit Təşkilatlarının (BOKT) borclunun məlumatlarını üçüncü şəxslərlə (qohum, dost, iş yoldaşı) paylaşması və ya yaxın çevrəsinə zəng edərək təzyiq göstərməsi geniş ictimai narahatlığa və hüquqi, ictimai müzakirə mövzusuna çevrilib. Bir sıra müştərilər belə hallarla rastlaşdıqlarını bildirirlər.

Bu addım nə dərəcədə qanunauyğundur?

Milli.Az xəbər verir ki, maliyyə-bank eksperti Əkrəm Həsənov Bakupost.az-a bildirib ki, "Fərdi məlumatlar haqqında" Azərbaycan Respublikasının Qanununa əsasən, şəxsin borcu, ünvanı, telefon nömrəsi və digər məlumatları fərdi məlumat sayılır və onların məlumat subyektinin razılığı olmadan üçüncü şəxslərə ötürülməsi qadağandır:

"BOKT və yaxud kommersiya bankı olmasından asılı olmayaraq, kredit borcu alan şəxs üçüncü şəxslər barədə məlumatı onlara verməyibsə, bu halda məlumatın üçüncü şəxsə ötürülməsi qanunsuzdur. Belə halların olması bank sirrinin pozulması hesab edilir. Bu vəziyyətdə müştəri Mərkəzi Banka şikayət edə, vurulan mənəvi zərərin ödənilməsilə bağlı məhkəməyə iddia verə bilər".

Ekspertin sözlərinə görə, sözügedən məlumatı banka vətəndaşın özü könüllü verdikdə isə burada artıq hər hansı bir qanun pozuntusu yoxdur:

"Belə vəziyyətdə yalnız zəng edilən şəxslər buna etiraz edə bilərlər. Onda artıq onlara zəng etmək olmaz. Bank əməkdaşları buna rəğmən zəng etsələr, həmin şəxslər də Mərkəzi Banka şikayət edə, məhkəmədə iddia qaldıra bilərlər".

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.