Şou-biznes

Rozanın Qazaxıstan turu bədbəxt hadisəyə görə TƏXİRƏ SALINDI

15 May 2026 14:11

Baxış: 889

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #QAZAXISTAN #KONSERT

Müğənni Roza Zərgərlinin Qazaxıstan şəhərlərini əhatə edən konsert turu təxirə salınıb.

Milli.Az-ın məlumatına görə, sənətçi bu barədə sosial şəbəkə hesabında paylaşım edərək planlarda dəyişiklik edildiyini açıqlayıb. İlkin olaraq yaz turu çərçivəsində nəzərdə tutulan konsertlərin 15 mayda Astanada start götürməsi planlaşdırılırdı.

Lakin təşkilati səbəblərdən və gözlənilməz vəziyyətə görə tədbirlərin payız aylarına qədər ertələndiyi bildirilib. Roza Zərgərli izləyicilərinə müraciət edərək hazırlıqların yüksək səviyyədə getdiyini, hətta xüsusi səhnə geyimlərinin və qazax dilində ifaların da hazırlandığını qeyd edib.

Sənətçi həmçinin bildirib ki, may ayı üçün alınan biletlər sentyabrda keçiriləcək konsertlərdə keçərli olacaq. Konsert turunun yeni tarixlərdə daha geniş proqramla davam etdiriləcəyi gözlənilir.

Hüseyn
Milli.Az