Sağlamlıq

Ginekoloq soyuqdəymə ilə bağlı məşhur mifi təkzib etdi

9 Oktyabr 2025 01:01

Baxış: 1 569

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #QADIN

Soyuğun sağlamlığa təsiri ilə bağlı məşhur mif təkzib edilib

Milli.Az xəbər verir ki, Rusiyalı ginekoloq Tatyana İlyuxina soyuğun təkbaşına sistit xəstəliyinə səbəb olması barədə yayılan fikri təkzib edib.

Mütəxəssisin sözlərinə görə, soyuqlama birbaşa olaraq sidik-cinsiyyət sisteminə təsir etmir, çünki sistit infeksion mənşəli xəstəlikdir. Yəni xəstəlik yalnız mikroblar sidik kisəsinə və ya cinsiyyət orqanlarına daxil olaraq çoxalmağa başladıqda inkişaf edir.

Bununla belə, həkim qeyd edib ki, soyuğun dolayı təsiri mümkündür. "Soyuqladıqda orqanizmdə qan dövranı zəifləyir, selikli qişaların immun müdafiəsi azalır. Nəticədə, əvvəllər passiv vəziyyətdə olan bakteriyalar aktivləşir və xəstəlik üzə çıxır", - deyə İlyuxina bildirib.

Həkim əlavə edib ki, kiçik çanaq orqanlarında xroniki iltihab olan insanlarda soyuqlama bu problemlərin kəskinləşməsinə də səbəb ola bilər.

İsmayıl
Milli.Az