İqtisadiyyat

TAP olmasaydı, Avropada qaz qiymətləri daha yüksək olacaqdı - İcraçı direktor

16 Sentyabr 2021 00:02
Baxış: 1 140

"Cənub Qaz Dəhlizi"nin bir hissəsi olan və Azərbaycan qazının Avropaya nəql olunduğu Trans-Adriatik qaz kəməri (TAP) olmasaydı, Avropada qaz qiymətləri daha yüksək olacaqdı.

Trend-in İtaliya KİV-lərinə istinadən məlumatına görə, bunu TAP-ın icraçı direktoru Luka Skyeppati deyib.

O bildirib ki, TAP Avropa üzrə təbii qaz qiymətlərində fərqi sıfırlayıb:

"Sentyabrın 10-da Niderlandın TTF habı ilə İtaliyabnın PSV habında qiymət fərqi İtaliya ümün mənfi olub. TTF-də qazın qiyməti 1 meqavatt/saat üçün 58,23 avro olduğu halda, PSV-də bu rəqəm 57,68 avro idi. TAP istismarının ilk doqquz ayı ərzində İtaliyaya 20-25 milyon kubmetr qaz nəql edib. Hazırda TAP Yunanıstan-Türkiyə sərhədindən 5 milyard kubmetr qaz əldə edib. Bu töhfə olmasaydı qiymət fərqi daha böyük olacaqdı. TAP İtaliyanın qaz tələbatının 10-11 faizini təmin edəcək".

Avropada qaz qiymətlərinin artmasının səbəbləri barədə danışan L.Skyeppati qeyd edib ki, buna karbon tullantılarına görə təzminatın artması, Asiya istiqamətində mayeləşdirilmiş təbii qaz axını, Rusiyadan tədarükün azaldılması, Avropada ümumi tələbatın artması və hasilatın azalaması səbəb olub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.