İqtisadiyyat

AÇG yataqlar blokunda neft hasilatı azalıb

16 Noyabr 2020 12:49

Baxış: 652

#İQTİSADİYYAT

2020-ci ilin üçüncü rübündə "Azəri-Çıraq-Günəşli" (AÇG) yataqlar blokunda ümumi hasilat həcmi orta hesabla 482 min barel təşkil edib.

Milli.Az bildirir ki, Trend bu barədə "BP Azerbaijan" şirkətinin hesabatına istinadən məlumat verir.

2019-cu ilin üçüncü rübündə hasilat orta hesabla 541 min barel olub:

"Üçüncü rübdə AÇG-dən stabil hasilat təhlükəsiz və etibarlı şəkildə davam etmişdir. Üç rüb üçün AÇG-dən ümumi hasilat - Çıraq (36 000), Mərkəzi Azəri (115 000), Qərbi Azəri (118 000), Şərqi Azəri (64 000), Dərinsulu Günəşli (97 000) və Qərbi Çıraq (52 000) platformalarından birlikdə - gündə orta hesabla 482 000 barel və ya ümumilikdə təxminən 132 milyon barel, yəni 17,9 milyon ton olub".

Milli.Az