Maraqlı

Bu canlı öz ömrünü uzada bilir - 250 ildir yaşayır

4 Noyabr 2025 03:03
Baxış: 1 969
VTB-də minimal faiz dərəcəsi ilə nağd kredit 9.9%-dən
#MARAQLI #HEYVANLAR

Alimlər Qrenlandiya balinasının (yaybaşı balina) uzunömürlülük sirrini açmağa çox yaxındırlar. 250 ilə qədər yaşayan bu nəhəng canlı təkcə okeanların deyil, həm də insanlığın qocalma və xərçənglə mübarizəsində mühüm ipucları saxlaya bilər.

Milli.Az xəbər verir ki, yer üzündə ən uzunömürlü məməlilərdən biri hesab olunan Qrenlandiya balinaları 200 ildən artıq yaşayır. "Wellcome Sanger" İnstitutunun təkamül genetiki Dr. Aleks Kaqan bu növü "uzunömürlülüyün super ulduzu" adlandırır.

"Nature" jurnalında dərc olunan yeni araşdırmaya görə, Nyu-Yorkdakı Rochester Universitetinin alimləri CIRBP adlı xüsusi bir zülalın balina hüceyrələrində mühüm rol oynadığını müəyyən ediblər.

Bu zülal hüceyrələrə zədələnmiş DNT-ni dəqiqliklə bərpa etməyə kömək edir. Tədqiqatın müəllifi professor Vera Qorbunova bildirib ki, "bu protein xərçəngin yaranmasının qarşısını alır və hüceyrələrin qocalmasını əhəmiyyətli dərəcədə ləngidir. DNT zədələnsə belə, mutasiyalara qarşı çox davamlıdır."

Tədqiqatçılar CIRBP zülalını insan hüceyrələrinə tətbiq etdikdə, DNT-nin daha tez və dəqiq bərpa olunduğunu müşahidə ediblər. Həmçinin, bu protein meyvə milçəklərinin ömrünü də uzadıb.

Alimlər hesab edirlər ki, bu tapıntı insan ömrünü uzada biləcək gələcək müalicələrə yol aça bilər.

Mütəxəssislər hesab edir ki, balinanın Arktikanın soyuq sularında yaşaması bu mexanizmi aktivləşdirir. CIRBP səviyyəsi aşağı temperaturda artır və bu da hüceyrə bərpa qabiliyyətini gücləndirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.