İqtisadiyyat

TANAP-la Türkiyəyə son iki ildə nəql edilən qazın miqdarı AÇIQLANDI

22 İyul 2020 17:11

Baxış: 2 019

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #TANAP

Son iki ildə Trans-Anadolu qaz kəməri (TANAP) vasitəsilə Türkiyəyə 6 mlrd. kubmetr qaz nəql edilib.

Milli.Az APA-ya istinadən xəbər verir ki, bu barədə "SOCAR Turkey" şirkətinin dərc etdiyi məlumatda deyilir.

Məlumata görə, TANAP bölgədə enerji təhlükəsizliyinə və sabitliyinin təmin edilməsinə öz töhfəsini verir.

Qeyd edək ki, bu ilin yanvar-iyun aylarında TANAP-la Türkiyəyə 1,9 mlrd. kubmetr qaz nəql edilib.

Xatırladaq k, TANAP kəməri Cənubi Qaz Dəhlizinin (CQD) mərkəzi elementidir. Bu kəmər vasitəsi ilə hazırda Azərbaycan qazı Türkiyəyə nəql edilir. Bu il Trans-Adriatik qaz kəmərinin (TAP) işə düşdükdən sonra TANAP-la qaz Avropaya nəql edilmək üçün Türkiyə ilə Yunanıstanın sərhədinədək nəql edilməyə başlayacaq.

"Şahdəniz" yatağının işlənilməsinin ikinci mərhələsi layihəsi çərçivəsində hasil olunan Azərbaycan təbii qazı əvvəlcə Türkiyəyə, sonra isə Avropaya nəql edəcək CQD ən önəmli həlqəsi olan TANAP-ın Türkiyə-Gürcüstan sərhədindən Əskişəhərə qədər olan hissəsi (Faza-0) 2018-ci il iyunun 12-də keçirilmiş beynəlxalq açılış mərasimində istifadəyə verilib, iyunun 30-da isə Türkiyəyə kommersiya məqsədli qazın axını başlayıb. Boru xəttinin Əskişəhərdən Türkiyə-Yunanıstan sərhədinə (İpsala) qədər olan ikinci hissəsində isə mexaniki tamamlama işləri 2018-ci ilin sonunda başa çatıb, ötən ilin aprelində xəttə sınaq məqsədilə qaz vurulub. Əlamətdar haldır ki, 2019-cu ilin noyabrında TANAP ikinci - Türkiyə ilə Avropa sərhədinə qədər olan, hissəsinin (Faza-1) təntənəli sürətdə istismara verilməsi mərasimi keçirilib.

Milli.Az