Cəmiyyət

Hərbi toplanış kimlər üçün məcburi deyil?

25 Avqust 2026 11:42
Baxış: 1 362
VTB-də minimal faiz dərəcəsi ilə nağd kredit 9.9%-dən

Hərbi toplanışlar ehtiyatda olan hərbi vəzifəlilərin döyüş hazırlığının, eləcə də hərbi bilik və bacarıqlarının artırılması məqsədilə təşkil olunur.

Milli.Az xəbər verir ki, qanunvericiliyə görə, bəzi şəxslər bu toplanışlara cəlb edilmir.
Azad olunan əsas kateqoriyalar bunlardır:

Ehtiyata buraxıldıqdan sonra 1 il ərzində olan hərbi vəzifəlilər (hərbi yoxlama toplanışları istisna olmaqla);

Müəyyən edilmiş qaydada bron edilmiş hərbi vəzifəlilər;

Müddətli hərbi xidmətə çağırışdan möhlət və ya azadolma hüququ olan şəxslər;

Qadın hərbi vəzifəlilər;

Mülki aviasiyada uçuşların birbaşa təmin edilməsində çalışan uçuş və texniki heyət;

Dəniz gəmilərinin üzgü heyəti (ehtiyatda olan Hərbi Dəniz Qüvvələri zabitləri istisna olmaqla);

Əyani təhsil alanlar təhsil müddətində, qiyabi təhsil alanlar isə semestr, sessiya, diplom işi və ya dissertasiyanın hazırlanması və müdafiəsi dövründə;

Hərbi uçotdan çıxarılaraq xidmət etdikləri dövlət orqanında xüsusi qeydiyyata alınan şəxslər.

Qeyd edək ki, toplanışdan azad edilmə ilə bağlı qərarı hərbi vəzifəlinin qeydiyyatda olduğu müvafiq dövlət orqanının rəhbəri verir.

Müəllif: Aysel Əkbər (Milli.Az müxbir)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.