İdman

"Atletiko" ona 150 milyon avro qiymət qoydu

25 Avqust 2026 11:30

Baxış: 1 460

VTB-də minimal faiz dərəcəsi ilə nağd kredit 9.9%-dən

#TRANSFERLƏR #FUTBOL #PRİMERA #ATLETİKO (MADRİD)

İspaniyanın "Atletiko" klubu argentinalı hücumçu Xulian Alvareslə bağlı transfer qərarını dəyişməyə hazır görünmür. Madrid təmsilçisi futbolçunun bu yay komandadan ayrılması üçün "Arsenal"dan 150 milyon avro məbləğində təklif gözləyir.

Milli.Az xarici mətbuata istinadən xəbər verir ki, "Arsenal" hələlik Xulian Alvares üçün "Atletiko"ya rəsmi müraciət ünvanlamayıb.

London klubunun 26 yaşlı forvardı uzun müddətdir transfer siyahısında saxladığı və onun keçidində maraqlı olduğu bildirilir.

Məlumata görə, daha əvvəl "Real"ın da Xulian Alvares üçün 150 milyon avroluq təklif göndərdiyi, lakin bu təklifin "Atletiko" tərəfindən qəbul edilmədiyi iddia olunub.

Qeyd edək ki, argentinalı hücumçu bu mövsüm La Liqada ilk oyununa avqustun 23-də çıxıb. Xulian Alvares "Vilyarreal"la 2:2 hesablı heç-heçə başa çatan görüşün ikinci hissəsində meydana daxil olub.

Müəllif: Tural Hüseyn (Milli.Az redaktor)