İqtisadiyyat

Vyetnam Azərbaycana 10 min tibbi maska göndərib

29 Aprel 2020 16:53
Baxış: 1 448
VTB-də minimal faiz dərəcəsi ilə nağd kredit 10.49%-dən

Vyetnam-Azərbaycan dostluq assosiasiyası COVID-19 pandemiyası ilə mübarizə çərçivəsində Azərbaycana 10 min tibbi maska təhvil verib.

Milli.Az xəbər verir ki, Trend bu barədə "Vyetnamın səsi" agentliyinə istinadən məlumat verib.

Dostluq Assosiasiyasının sədri Nghim Vu Hay aprelin 28-də Azərbaycanın Vyetnamdakı səfirliyində keçirilən tədbir zamanı bildirib ki, bu təşəbbüs Azərbaycanda təhsil almış vyetnamlı tələbələr tərəfindən irəli sürülüb.

O əlavə edib ki, aprelin 26-da Vyetnam-Azərbaycan dostluq assosiasiyası Vyetnamın Fukuok adasında pandemiya ilə əlaqədar iş yerlərini itirmiş azərbaycanlılara yardım məqsədilə 1000 dollardan çox maliyyə vəsaiti toplayıb.

Azərbaycanın Vyetnamdakı səfiri Anar İmanov öz növbəsində bu addıma görə Vyetnam xalqına təşəkkürünü bildirib.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.