İqtisadiyyat

Vergilər Nazirliyi: “Fiziki şəxslər müxtəlif üsullarla vergidən yayınmağa çalışırlar”

28 Aprel 2011 17:19

Baxış: 216

VTB-də minimal faiz dərəcəsi ilə nağd kredit 9.9%-dən

Bunu APA-ya açıqlamasında Vergilər Nazirliyinin Baş İdarə rəisi Zaur Fətizadə bildirib. Xatırladaq ki, 2009-cu ildə Vergi Məcəlləsinə edilən dəyişikliklərdə fiziki şəxslərdən gəlir vergisinin maksimal məbləği 35%-dən 30%-ə endirilib.

Baş İdarə rəisinin sözlərinə görə, hazırda Nazirlik vergi bazasının gözlənilən artımın baş verməsinin səbəblərini araşdırır: "Bütün iqtisadi qanunauyğunluqlara görə, vergilərin aşağı salınması vergi ödəyicilərini vergiləri ödəməyə həvəsləndirməli və vergitutma bazasının genişlənməsinə səbəb olmalı idi. Lakin bu baş verməyib".

Z.Fətizadə bildirib ki, 2010-cu ildə fiziki şəxslərdən gəlir vergisi üzrə proqnozun icra olunmamasının (kəsir - 10%) bir səbəbi də budur: "Adamlar vergi ödəmir, gəlirlərini göstərmirlər. Bildirirlər ki, işçiləri yaxın adamlarıdır və onlar pulsuz işləyir". Nəticədə, təqribi qiymətləndirmələrə görə, hazırda gəlir vergisinə cəlb oluna bilən məbləğin təqribən 30-40%-i vergidən yayındırılır.

Milli.Az