Dünya

Venesuelada növbəti zəlzələ qeydə alındı

27 İyun 2026 09:49

Baxış: 379

VTB-də minimal faiz dərəcəsi ilə nağd kredit 9.9%-dən

#DÜNYADA

Venesuela sahillərində 4,9 bal gücündə növbəti zəlzələ baş verib.

Milli.Az xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Bildirilib ki, yeraltı təkanlar UTC vaxtı ilə saat 22:16-da, Venesuelanın paytaxtı Karakasdan 80 kilometr qərbdə qeydə alınıb. Zəlzələnin ocağı yerin 35 kilometr dərinliyində yerləşib.

Hazırda təbii hadisə nəticəsində insan tələfatı və ya dağıntılar barədə hər hansı məlumat yoxdur.

Xatırladaq ki, iyunun 24-ü axşam Venesuelada 7,2 və 7,5 bal gücündə iki güclü zəlzələ baş verib. ABŞ Geoloji Xidmətinin məlumatına əsasən, fəlakət nəticəsində ölənlərin sayı 920-yə çatıb, 3360 nəfər yaralanıb. Bundan başqa, 4000-dən çox insan evsiz qalıb, çoxsaylı yaşayış binaları dağılıb, infrastruktur və xəstəxanalar zərər görüb, ölkənin əsas hava limanının fəaliyyəti dayandırılıb.

Müəllif: Malik Məlikov (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ