Cəmiyyət

Ələkbər Hüseynov vəfat etdi

22 İyun 2026 14:05

Baxış: 8 049

VTB-də minimal faiz dərəcəsi ilə nağd kredit 9.9%-dən

Azərbaycan Texniki Universitetinin (AzTU) Xüsusi texnologiyalar və avadanlıqlar kafedrasının müdiri, texnika elmləri doktoru, professor Ələkbər Hüseynov uzunsürən xəstəlikdən sonra vəfat edib.

Milli.Az xəbər verir ki, Ələkbər Hüseynov Moskva Dövlət Aqrar Mühəndislər Universitetinin mühəndis-pedaqoq ixtisasını fərqlənmə ilə bitirib.

Uzun illər AzTU-da fəaliyyət göstərən Ələkbər Hüseynov Xüsusi texnologiyalar və avadanlıqlar kafedrasının rəhbəri kimi müdafiə sənayesi üçün yüzlərlə mütəxəssisin hazırlanmasına, elmi-pedaqoji potensialın gücləndirilməsinə mühüm töhfələr verib.

Təhsilin inkişafındakı xidmətlərinə görə Azərbaycan Respublikası Prezidentinin Sərəncamı ilə 2020-ci ildə "Əməkdar müəllim" fəxri adına layiq görülüb.

Yüzlərlə məqalə, 10-a yaxın dərslik və 7 ixtiranın müəllifi olub.

AzTU-nun rəhbərliyi və kollektivi Ələkbər Hüseynovun vəfatından kədərlənir, ailəsinə və yaxınlarına başsağlığı verir.

Müəllif: Aysel Əkbər (Milli.Az müxbir)