Şou-biznes

Yeşilçamın “Al Yazmalı”sından Kadir İnanıra son vida - (Foto)

27 İyun 2026 14:46

Baxış: 1 787

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #AKTYOR

Türk kinosunun əfsanəvi simalarından olan Türkan Şoray vəfat edən həmkarı Kadir İnanır üçün duyğusal paylaşım edib.

Milli.Az xəbər verir ki, Yeşilçamın unudulmaz cütlüklərindən biri hesab olunan aktyorlar illər ərzində bir çox filmdə birlikdə rol alıblar. Xüsusilə "Selvi Boylum Al Yazmalım", "Dila Hanım" və "Kara Gözlüm" filmlərindəki tərəfdaşlıqları tamaşaçıların yaddaşında xüsusi yer tutub.

Kadir İnanırın vəfat xəbərindən sonra Türkan Şoray sosial şəbəkə hesabında paylaşdığı vida mesajında bunları yazıb:

"Günlərdir ümidlə gələcək yaxşı xəbəri gözləyirdik. Təəssüf ki, acı xəbəri aldıq. Sən bir baxışa min məna sığdıran, ən gözəl gülən insan idin. Sənin kinodakı işığın heç vaxt sönməyəcək. Kinomuz yaşadıqca sən də yaşayacaqsan və Al Yazmalının qəlbində həmişə var olacaqsan".

Qeyd edək ki, Kadir İnanır 77 yaşında vəfat edib.

Müəllif: Nərmin Mahmudova (Milli.Az müxbir)