İqtisadiyyat

Neftin qiyməti 2 dollardan çox artdı

12 Noyabr 2025 09:53

Baxış: 791

VTB-də minimal faiz dərəcəsi ilə nağd kredit 9.9%-dən

#İQTİSADİYYAT

İtaliyanın Auqusta limanında "Azeri Light" markalı Azərbaycan neftinin CIF bazasında qiyməti əvvəlki göstərici ilə müqayisədə 2,7 ABŞ dolları və ya 4,15 faiz artaraq bir barel üçün 67,78 ABŞ dolları təşkil edib.

Bu barədə Milli.Az-a neft bazarındakı mənbələr məlumat verib.

Bildirilib ki, Türkiyənin Ceyhan limanında "Azeri Light" markalı neftin FOB bazasında bir barelinin qiyməti 2,68 dollar və ya 4,26 faiz bahalaşaraq 65,57 dollar olub.

URALS markalı xam neftin qiyməti əvvəlki göstərici ilə müqayisədə 2,01 dollar və ya 3,94 faiz artaraq bir barel üçün 52,98 dollara çatıb.

Şimal dənizində hasil edilən "Dated Brent" markalı neftin qiyməti isə əvvəlki göstərici ilə müqayisədə 1,82 dollar və ya 2,91 faiz artaraq bir barel üçün 64,32 dollar təşkil edib.

Azərbaycanın 2025-ci il dövlət büdcəsində bir barel neftin orta qiyməti 70 ABŞ dolları səviyyəsində nəzərdə tutulub.

Milli.Az