İqtisadiyyat

İran, Azərbaycan və Rusiya bu ölkələrə kömək edəcək

30 Noyabr 2024 17:47
Baxış: 2 121
VTB-də minimal faiz dərəcəsi ilə nağd kredit 9.9%-dən

İran Azərbaycan və Rusiya arasında üçtərəfli elektrik şəbəkəsi ölkənin şimalı ilə qonşu ölkələr arasında elektrik mübadiləsinin yaranmasına kömək edəcək.

Milli.Az Trend-ə istinadən xəbər verir ki, bunu İranın Enerji İstehsalı və Distributorluğu Şirkətinin (TAVANIR) icra direktoru Mustafa Rəcəbi Məşhədi yerli mediaya açıqlamasında deyib.

Onun sözlərinə görə, İran Azərbaycan və Rusiyanın energetika nazirləri arasında üçtərəfli görüşün keçirilməsi üzrə lazımi koordinasiyalar aparılıb. Bu iclasın elektrik enerjisi əlaqələrinin inkişafı ilə nəticələnəcəyi gözlənilir.

Rəcəbi Məşhədi deyib ki, hal-hazırda İran Rusiya və Azərbaycan arasında razılaşma əsasında 300 meqavat elektrik mübadiləsi etmək mümkündür. Bu həcmi 1 min meqavata yüksəltmək olar və bununla əlaqədar elektrik enerjisi nəqli xətləri inkişaf etdirilir.

Qeyd edək ki, İran Azərbaycan və Rusiya arasında Şimal-Cənub enerji dəhlizinin yaradılması layihəsi üzərində işlər aparılır. Məqsəd üç ölkənin elektrik şəbəkələrinin sinxron edilməsidir. Bu layihə ilə bağlı lazımi layihələndirmə işlərini İranın "Monenko" Şirkəti həyata keçirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.