İqtisadiyyat

Azərbaycan Yerin orbitinə daha çox peyk buraxa bilər

6 Oktyabr 2023 21:08

Baxış: 1 460

VTB-də minimal faiz dərəcəsi ilə nağd kredit 9.9%-dən

#PEYK

Azərbaycanın Yerin orbitində peykləri var, lakin düşünürəm ki, ölkə daha çox peyk buraxmaq potensialına malikdir.

Milli.Az xəbər verir ki, bu barədə Trend-ə ABŞ-nin Milli Aeronavtika və Kosmik Fəzanın Tədqiqatı İdarəsinin (NASA) astronavtı Con-Devid Bartou deyib.

O, Azərbaycanın astronavtika sahəsində yeni mütəxəssislərə təlim keçmək istiqamətində fəal şəkildə çalışdığını qeyd edərək bunun ehtimalla bu sahənin inkişafı üzrə strategiyanın daha mühüm hissəsi olduğunu əlavə edib. Belə ki, gələcək nəsillərə təlim keçirilməsi onun uzunmüddətli inkişafına səbəb olur.

"İndiyədək kosmosda 600-a yaxın insan olub. Fikrimcə, yaxın 10 il ərzində onların sayı daha 600 nəfər artacaq. Artım bu sahənin fəal inkişafı sayəsində, o cümlədən yeni özəl şirkətlərin iştirakı sayəsində mümkün olacaq ki, bu da kosmik sənayenin sürətli inkişafına səbəb olur", - deyə Bartou əlavə edib.

Qeyd edək ki, 74-cü Beynəlxalq Astronavtika Konqresi çərçivəsində "Azərkosmos" ASC və "Israel Aerospace Industries" (IAI) şirkəti arasında Azərbaycanın yeni müşahidə peyklərinin hazırlanması üzrə saziş imzalanıb.

Sazişə əsasən, "Azersky-2" proqramı çərçivəsində iki peyk hazırlanıb.

Milli.Az