İqtisadiyyat

Qlobal neft tələbatı pandemiyadan əvvəlki səviyyəni gələn il ötəcək - PROQNOZ

14 Yanvar 2023 16:40
Baxış: 765
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-ın Energetika Nazirliyi yanında Energetika İnformasiyası Administrasiyası (EIA) 2024-cü il üçün maye karbohidrogenlərin gündəlik qlobal tələbatı üzrə proqnozunu açıqlayıb.

Milli.Az "APA-Ecocomics"ə istinadən bildirir ki, gələn il maye karbohidrogenlərə olan qlobal gündəlik tələbat ortalama 102,2 mln. barel səviyyəsində olacaq.

Hesabata əsasən, bu il maye karbohidrogenlərə olan qlobal gündəlik tələbat ortalama 100,48 mln. barel səviyyəsində olacaq ki, bu da əvvəlki proqnoz göstəricisindən 0,34 mln. barel azdır. 2022-ci ilin göstəricisi ilə müqayisədə 2023-cü ildə qlobal tələbat üzrə artım 1,05 mln. barel təşkil edəcək.

Qeyd olunur ki, 2022-ci ildə maye karbohidrogenlərə olan qlobal gündəlik tələbat ortalama 99,43 mln. barel olub, bu da əvvəlki proqnoz göstəricisindən 0,39 mln. barel azdır. Beləliklə, 2021-ci ilin göstəricisi ilə müqayisədə 2022-ci ildə qlobal tələbat üzrə artım 1,87 mln. barel təşkil edib.

Qeyd edək ki, 2021-ci ildə maye karbohidrogenlərə olan qlobal gündəlik tələbat ortalama 97,56 mln. barel olub. 2020-ci ildə qlobal gündəlik istehlak 91,81 mln. barel təşkil edib, 2019-cu ildə isə bu göstərici 101,23 dollar səviyyəsində olub.

Beləliklə, EIA məlumatlarını nəzərə alaraq, belə bir qənaətə gəlmək olar ki, maye karbohidrogenlərə olan tələbat koronaviris pandemiyasından əvvəl ki səviyyəni bu il yox, gələn il ötəcək.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.