İqtisadiyyat

KOBİA Belçikanın bir sıra qurumlarında görüşlər keçirib

25 May 2022 14:24

Baxış: 566

VTB-də minimal faiz dərəcəsi ilə nağd kredit 9.9%-dən

Brüsselə səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Belçikanın bir sıra qurumlarında görüşlər keçirib.

Belçikanın Ticarət Palataları Federasiyasının Baş meneceri Vouter Van Gulk ilə görüşdə biznes şəbəkələri arasında əməkdaşlığın təşviqinə, birgə layihələrin icrası və müəssisələrin yaradılması imkanlarına, institusional əməkdaşlığın genişləndirilməsinə, biznes missiyaların təşkilinə və biznes layihələri üzrə məlumat mübadiləsinə dair müzakirələr aparılıb.

KOBİA-nın İdarə Heyətinin sədri Orxan Məmmədov və Belçikanın Flanders İnvestisiya və Ticarət Qurumunun ticarət üzrə direktoru Dirk Van Steerteghem arasında keçirilmiş görüşdə Belçikanın kiçik və orta biznes subyektlərinin və startapların Azərbaycana biznes missiyasının təşkilinə, KOB-ların şəbəkələşməsinə, ölkəmizdə və Belçikada keçirilən müxtəlif tədbirlərdə sahibkarların və startapların iştirakına dair fikir mübadiləsi aparılıb.

Belçikaya səfər çərçivəsində KOBİA-nın İdarə Heyətinin sədri Orxan Məmmədov Müstəqil Sənayeçi və İş Adamları Dərnəyinin (MÜSİAD) Belçika ofisinin rəhbəri Hayri Alpaydın ilə də görüşüb. Görüşdə əməkdaşlıq perspektivlərinə və sahibkarlarla iş imkanlarına dair fikir mübadiləsi aparılıb.

Eyni zamanda KOBİA-nın nümayəndələri Azərbaycanın Belçikadakı Səfirliyinin təşkilatçılığı, diplomatik korpusun nümayəndələrinin, bu ölkədə fəaliyyət göstərən Azərbaycan iş adamlarının və tələbələrin iştirakı ilə 28 may Müstəqillik Gününə həsr olunmuş tədbirdə iştirak ediblər.

Milli.Az