Mədəniyyət

Bakıda və Gəncədə Azərbaycan Vokalçıları Festivalı keçirilir - FOTO

23 Dekabr 2019 18:39
0 Şərh     Baxış: 746
VTB-də minimal faiz dərəcəsi ilə nağd kredit 10.49%-dən

Azərbaycan Vokalçıları Festivalı çərçivəsində Azərbaycan Dövlət Akademik Musiqili Teatrınının solistlərinin möhtəşəm konserti keçirildi.

Əməkdar İncəsənət xadimi Fəxrəddin Atayevin rəhbərlik etdiyi orkestr elə ilk dəqiqələrdən zalda xüsusi atmosfer yaratdı.  Teatrın direktoru, Əməkdar İncəsənət xadimi Əliqismət Lalayev  giriş sözündə respublikamızda ilk dəfə keçirilən festivalın böyük əhəmiyyətindən danışıb səhnəyə festivalın ideya müəllifi və bədii rəhbəri, Mədəniyyət kanalının direktoru Ramil Qasımovu dəvət etdi. Ramil Qasımov çıxışında operetta janrının Azərbaycanda böyük tarixi olduğunu qeyd edərək, vurğuladı ki, zamanında bu teatrda Lütfiyar İmanov, Kamal Kərimov, Mobil Əhmədov kimi unudulmaz sənətkarlar çalışıb, vokal sənətinin tarixində silinməz iz qoyublar.

Çıxışından sonra Ramil Qasımov tamaşaçılara gözəl ifası ilə unudulmaz dəqiqələr bəxş etdi. Bu xoş təəssürat gecənin sonuna qədər davam etdi, gənc vokalçıların bütün çıxışları gürultulu alqışlarla qarşılandı. Konsert repertuarında Azərbaycan opera və operetta incilərinin ən parlaq nümunələri yer aldı. Anşlaqla keçən möhtəşəm konsert böyük rezonansa səbəb oldu

Fikrət Əmirov adına Gəncə Dövlət Filarmoniyasında baş tutan konsert Gəncə və ətraf rayonlardan çoxsaylı auditoriya toplayaraq böyük rezonansa səbəb oldu. Konsertdə Gəncə Dövlət Filarmoniyasının solistləri  Üzeyir Hacıbəyli, Fikrət Əmirov, Süleyman Ələsgərov, Rauf Hacıyev və digər unudulmaz Azərbaycan bəstəkarlarının əsərlərini səsləndirərək auditoruya tərəfindən gürultulu alqışlarla qarşılandı.

İnformasiya dəstəyi - Trend.az, Day.az, Milli.az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.