Mədəniyyət

Həftəsonu olacaq maraqlı tamaşalar - FOTO

4 Oktyabr 2017 18:18

Baxış: 1 304

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT #AZƏRBAYCAN

Həftəsonu Azərbaycan Dövlət Gənc Tamaşaçılar Teatrı kiçik və böyük yaşlı tamaşaçıları üçün maraqlı, bir-birindən rəngarəng və məzmunlu tamaşalar təqdim edəcək.

Azərbaycan Dövlət Gənc Tamaşaçılar Teatrının mətbuat xidmətində Milli.Az-a verilən məlumata görə, teatrda oktyabrın 7-də gündüz 1400-da məktəblilər Azərbaycan uşaq ədəbiyyatının banisi A.Şaiqin "Danışan gəlincik", 8-də K.Ağabalayevin "Şahzadə Xəzərin nağılı" tamaşalarını nümayiş etdirəcək.

Teatr oktyabr ayının 7-də axşam saat 19:00-da İsveç dramaturqu L.Nurenin "Mən gəldim qızlar..." (Müharibə) , oktyabrın 8-də isə ölməz C.Cabbarlının "Aydın" tamaşaları ilə öz tamaşaçılarını sevindirəcək.

Tamaşalarda əsas obrazları teatrın tanınmış və istedadlı aktyorları Əməkdar artistlər Kəmalə Hüseynova, Qurban İsmayılov, Rasim Cəfər, Leyli Vəliyeva, Elşən Rüstəmov, Nofəl Vəliyev, Gülər Nəbiyeva aktyorlar Günel Məmmədova, Zülfiyyə Alhüseynova, Müşfiq Əliyev, Manaf Dadaşov, Elnur Kərimov, Elşən Hacıbabayev, Güşvər Şərifova, Mehriban Hüseynova və başqaları ifa edəcəklər.

Milli.Az

Digər maraqlı xəbərlər Milli.Az-ın Facebook səhifəsində