Mədəniyyət

Tariyel Qasımovun 75 yaşı tamam olur

28 Mart 2014 13:36

0 Şərh Baxış: 953

VTB-də minimal faiz dərəcəsi ilə nağd kredit 10.49%-dən

#AZERBAİJAN #MƏDƏNİYYƏT #TEATR

Aprel ayının 1-də saat 19:00-da Azərbaycan Dövlət Gənc Tamaşaçılar Teatrının aktyoru, Prezident təqaüdçüsü, xalq artisti Tariyel Qasımovun 75 illik yubileyinə həsr olunmuş tədbir keçiriləcək.

Teatrın mətbuat xidmətindən Milli.Az-a verilən məlumata görə, tədbirdə bir sıra mədəniyyət və incəsənət xadimlərinin iştirak edərək Tariyel Qasımovun yaradıcılığı, yüksək insani keyfiyyətləri haqqında fikirlərini bölüşəcəklər. Mərasim iştirakçılarına yubilyarın rol aldığı filmlərdən fraqmentlər nümayiş etdiriləcəkdir.

4 fevral 1939-cu ildə Ağstafa rayounun Köçəsgər kəndində anadan olan Tariyel Qasımov 1964-cü ildə Azərbaycan Dövlət Teatr İnstitutunun "dram və kino aktyorluğu" fakültəsini bitirmişdir. 1964-cü il oktyabr ayının 1-dən (müəyyən fasilələrlə) Azərbaycan Dövlət Gənc Tamaşaçılar Teatrının aktyorudur. Onun ifa etdiyi Cəlal, Bəxtiyar ("Komsomol poeması", İskəndər Coşğun), Söhrab ("Söhrab və Rüstəm", İskəndər Coşğun), Zaur ("Yadındamı", Altay Məmmədov), Pərviz ("Sən nə üçün yaşayırsan", İmran Qasımov, Həsən Seyidbəyli), Kazım ("Məhəbbət novellası", Şamil Xurşud, Əşrəf Hacıyev), Məşədi Əzizbəyov ("26 Bakı komissarı", İskəndər Coşğun), Polkovnik ("Kiçik torpaqda üç gün", Şamil Xurşud), Zərbəliyev Səbzəli ("Məhəbbət, şeytan və lambada", Marat Haqverdiyev), Salahov ("Sevirdim, çox sevirdim", Hidayət), Qədim ("Büllür sarayda", İlyas Əfəndiyev), Həsənzadə ("Sən həmişə mənimləsən", İlyas Əfəndiyev), Nihad ("Pələng ili", Firuz Mustafa) və digər bir-birindən maraqlı rollar istedadlı aktyorun rəngarəng obrazlar qalereyasını yaratmışdır.
Teatrın foyesində aktyorun ifa etdiyi tamaşalar və filmlərdən ibarət fotosərgi nümayiş etdiriləcəkdir.

Milli.Az

Milli.Az - Xəbər Portalı

Tariyel Qasımovun 75 yaşı tamam olur

DİGƏR XƏBƏRLƏR

XƏBƏR LENTİ

TOP VIDEO

SORĞU

Yayda harada dincələcəksiniz?