Dünya

Təyyarədən yeganə sağ çıxan sərnişin bu sırada oturubmuş - etdiyi hərəkət onu xilas edib - VİDEO - FOTO

12 İyun 2025 19:36

Baxış: 8 183

VTB-də minimal faiz dərəcəsi ilə nağd kredit 9.9%-dən

#VİDEO #QƏZA #HİNDİSTAN

Havaya qalxdıqdan bir neçə dəqiqə sonra qəzaya uğrayan Air India təyyarəsində yalnız bir sərnişin sağ qaldı

Milli.Az xarici mətbuata istinadən xəbər verir ki, Ramesh Vishwaskumar Bucharvada təyyarədə fövqəladə çıxış qapısının arxasında oturub və qəza zamanı tullanaraq xilas olub

Uçuş havaya qalxdıqdan bir neçə dəqiqə sonra Ahmedabaddakı B. J. Tibb Kolleci yaxınlığında qəzaya uğrayıb.204 nəfər həyatını itirib. Hadisə nəticəsində 200-dən çox insan həyatını itirib.

38 yaşlı Ramesh Vishwaskumar Bucharvada, bugün qəzaya uğrayan Air India-nın AI171 nömrəli reysindəki 242 sərnişindən biri idi. O, möcüzəvi şəkildə sağ qalıb.

Böyük Britaniya vətəndaşı olan Ramesh, təyyarədə 11A nömrəli oturacaqda - fövqəladə çıxış qapısının birbaşa arxasında oturub.

Qəza anından dərhal sonra çəkilmiş videoda yaralı vəziyyətdə olan Ramesh ambulansa doğru yeriyərkən görünür. Ətrafdakı insanlar ondan digər sərnişinlərin taleyi ilə bağlı soruşurlar. Ramesh isə Gujarati dilində "Təyyarə partladı" deyə cavab verir və əlavə edir:

"Onlar orada, təyyarənin içərisində qalıblar."

Ahmedabad Polis Komissarı GS Malik, ANI xəbər agentliyinə açıqlamasında deyib:

"Polis, 11A nömrəli oturacaqda bir nəfərin sağ qaldığını müəyyən edib. Bu sərnişin hazırda xəstəxanadadır və müalicə olunur. Ölənlərin sayı ilə bağlı dəqiq məlumat verə bilmirik, çünki təyyarə yaşayış məhəlləsinə düşüb. Ölənlərin sayı arta bilər."

11A nömrəli oturacaq harada yerləşir?
Aerolopa aviasiya platformasının məlumatına əsasən, Air India-nın Boeing 787-8 Dreamliner tipli təyyarələrində 11A oturacağı İqtisadi sinif kabininin ilk sırasındadır. Bu pəncərə kənarı oturacaq, təyyarənin sağ tərəfində, qanadlardan iki sıra öndə yerləşir və təcili çıxış qapısına çox yaxın sayılır.

Lalə Qüdrətova
Milli.Az