Ölkə

Sərnişinə "Rədd olun, keçin arxaya" deyən sürücü işdən çıxarıldı

28 Sentyabr 2026 21:31

Baxış: 359

VTB-də minimal faiz dərəcəsi ilə nağd kredit 9.9%-dən

#SÜRÜCÜ

Bakıda 214 nömrəli marşrut xətti üzrə hərəkət edən avtobusda sərnişinlə mübahisə edən və ona qarşı nalayiq ifadələr işlədən sürücü işdən çıxarılıb.

Milli.Az "Bakupost"a istinadla xəbər verir ki, görüntülər yayıldıqdan sonra sürücünün kimliyi müəyyənləşdirilib və onunla bağlanmış əmək müqaviləsinə bu gündən xitam verilib.

"Çinar Trans" MMC-dən bildirilib ki, hadisə ilə bağlı digər sürücülərə əlavə təlimat verilib:

"Biz həmin görüntüləri görəndən sonra bütün sürücüləri təlimatlandırmışıq, lazımi tapşırıqlar vermişik ki, sürücü ilə sərnişin arasında heç bir mübahisə, kobud rəftar olmasın. Həmin sürücü ilə bağlı da iclas keçirdik. Onu bu gün işdən azad etdik".

Qeyd edək ki, mübahisəyə sürücünün avtobusa minən sərnişinlərə "Rədd olun, keçin arxaya" deməsi səbəb olub.

Müəllif: Ülkər Vəliyeva (Milli.Az redaktor)