Dünya

Hindistanda daşqınlar 81 nəfərin həyatına son qoydu

28 Sentyabr 2026 15:54

Baxış: 321

#DÜNYADA #HADİSƏ #HİNDİSTAN

Hindistanın Uttar-Pradeş ştatında aramsız yağışların səbəb olduğu daşqınlar ciddi fəsadlara yol açıb.

Milli.Az xəbər verir ki, TASS-ın məlumatına görə, təbii fəlakət nəticəsində azı 81 nəfər həyatını itirib, 62 nəfər isə xəsarət alıb.

Üç gün davam edən leysan yağışları ştatın bir sıra rayonlarında daşqınlara səbəb olub. Nəticədə 1000-dən çox evə ziyan dəyib.

Paytaxt Lakhnau da daxil olmaqla, daşqından zərər çəkən ərazilərdə məktəblərin fəaliyyəti sentyabrın 28-də dayandırılıb.

Hazırda xilasedicilər su basmış ərazilərdə əməliyyatlar aparır, sakinlərin təhlükəsiz ərazilərə təxliyəsini həyata keçirirlər.

Müəllif: Nərmin Mahmudova (Milli.Az müxbir)

Milli.Az - Xəbər Portalı

DİGƏR XƏBƏRLƏR