PUL
Gizli şəkildə inkişaf edən, lakin gec aşkarlandıqda ciddi fəsadlara yol açan şəkərli diabet (xalq arasında "şəkər xəstəliyi" kimi tanınır) bu gün getdikcə daha çox insanın gündəminə çevrilir.
Milli.Az xəbər verir ki, bəzən sadə görünən əlamətlər əslində diabetin ilk siqnalları ola bilər.
Əgər son vaxtlar tez-tez susuzluq hiss edir və bununla yanaşı sidiyə çıxma tezliyiniz artıbsa, bu, artıq bədəndə şəkər balansının pozulduğunun göstəricisi ola bilər. Həkimlərin fikrincə, bu vəziyyət orqanizmin qandakı artıq şəkəri sidik vasitəsilə atmağa çalışmasından qaynaqlanır.
Heç bir pəhriz saxlamadan və fiziki aktivlik artırılmadan qəfil arıqlama da təhlükəli göstəricilərdən biridir. Çünki bədən enerji əldə edə bilmədiyi üçün öz əzələ və yağ ehtiyatlarını parçalamağa başlayır.
Bunlarla yanaşı, səbəbsiz yorğunluq, halsızlıq, gün ərzində tez-tez özünüzü tükənmiş hiss etməyiniz də diqqətdən yayınmamalıdır. Bu, hüceyrələrin şəkərdən istifadə edə bilməməsi ilə bağlı enerji çatışmazlığının nəticəsidir. Diabetin başqa bir səssiz əlaməti isə görmədə bulanıqlıqdır. Qanda şəkərin yüksək olması göz linzalarında dəyişikliklərə səbəb olur ki, bu da görmənin zəifləməsinə gətirib çıxarır. Cüzi kəsik və ya yaraların belə uzun müddət sağalmaması, infeksiyalara qarşı müqavimətin zəifləməsi də diabet riskini göstərən önəmli əlamətlər sırasındadır.
Həkimlər tövsiyə edir ki, bu əlamətlərin bir neçəsi müşahidə olunursa, mütləq şəkildə qan şəkəri analizi verilməlidir. Çünki şəkər xəstəliyi nə qədər erkən aşkarlanarsa, onun idarə olunması bir o qədər asan olar.
Asya
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
