Mədəniyyət

Kiçik səhnədə iki yeni tamaşa göstəriləcək - FOTO

9 Yanvar 2014 17:42
0 Şərh     Baxış: 1 187
VTB-də minimal faiz dərəcəsi ilə nağd kredit 9.9%-dən
#AZERBAİJAN

Azərbaycan Dövlət Gənc Tamaşaçılar Teatrı yeni ilin ilk günlərində iki yeni tamaşa ilə teatrsevərlərin görüşünə gələcək

Teatrın kiçik səhnəsində nümayiş olunacaq hər iki tamaşa maraqlı mövzusu, səhnə tərtibatı və aktyor oyunu ilə fərqlənir.

Teatrın mətbuat xidmətindən Milli.Az-a verilən məlumata görə, ilk tamaşa yanvar ayının 14-də saat 16:00-da göstəriləcək. Dramaturq- aktyor Məcid Vahidzadənin "Bir səbət tənhalıq" əsəri əsasında hazırlanmış eyniadlı tamaşanın quruluşçu rejissoru əməkdar artist Nofəl Vəliyev, tərtibatçısı Zəminə Orucova, musiqi tərtibatçısı İradə Muradovadır. Tamaşa fiziki qüsurlu gənc qız (Güşvər Şərifova) və bəxtsiz cavandan (Eşqin Quliyev) bəhs edir.

Yanvar ayının 16-da saat 16:00-da göstəriləcək növbəti tamaşa isə Rövşən Ağayevin eyniadlı əsəri əsasında hazırlanmışdır. "Bir gecənin nağılı" adlı tamaşanın quruluşçu rejissoru Gülnar Hacıyeva, səhnə tərtibatı Zəminə Orucova, musiqi tərtibatı İradə Muradovadır.

Gülnaz (Zülfiyyə Alhüseynova) və Namiq (Eşqin Quliyev) adlı iki gəncin maraqlı tanışlığı və sonrakı taleyi tamaşada öz əksini tapacaq.

Milli.Az

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.